Primaret në PD, Berisha tregon cilat janë qytetet që do të votojnë të parat

Kryetari i PD-së Sali Berisha zhvilloi sot një takim me krerët e degëve të PD.

Berisha u shpreh se primaret dhe protestat do të jenë dy çështjet themelore për të cilat do të punojë PD, ndërsa theksoi se është i mirëpritur cilido që kërkon të provohet nga simpatizantët.

Ai tha se primaret në PD do të nisin Tirana, Durrësi dhe Elbasani për të vijuar më pas në qytetet e tjera.

“Duhet të bëjmë gjithçka që ky proces të jetë i suksesshëm. Kam besim në përgjegjësinë, përkushtimin tuaj se ju bashkë me anëtarët e kryesive, të seksioneve dhe grupseksioneve do t’i shndërrojnë primaret në një histori suksesi. Është bërë një lloj axhende, kalendari dhe në bazë të tij do të ecet. Tiranën, Durrësin dhe Elbasanin do të përpiqemi ta përshpejtojmë dhe me të tjerat, dora-dorës”, tha Berisha.

LEXONI GJITHASHTU:

• Berisha: Sulmet e Ramës ndaj universiteteve si të Enver Hoxhës
• “Topa luftash”, Kulluri për opozitën: Meta kërkon ta pasojë humbjen te Berisha