Prokuroria Speciale arreston për krime lufte ish-policin boshnjak

Prokuroria Speciale e Republikës së Kosovës ka njoftuar se në bashkëpunim me Njësinë për Hetime të Krimeve të Luftës, në kuadër të Policisë së Kosovës ka arrestuar një shtetas boshnjak.

I pandehuri E.B., dyshohet se gjatë viteve 1998-1999 ka qenë me detyrë polic në stacionin policor të fshatit Gjurakoc të Komunës së Istogut.

Ky person ka qenë pjesëmarrës në kryerjen e masakrës së Staradranës, ku kanë mbetur të vrarë tetëmbëdhjetë persona.

Me këto veprime i pandehuri dyshohet se ka kryer veprën penale “krim i luftës kundër popullatës civile”, i sanksionuar me nenin 142 të Ligjit Penal të RSFJ-së.

LEXONI GJITHASHTU:

• Prokuroria Speciale rëndon akuzat për Thaçin, Veselin, Krasniqin e Selimin
• Akuzat ndaj ish-krerëve të UÇK-së, Prokuroria Speciale: Janë 1842 zëra, kërkojmë masa mbrojtëse për disa dëshmitarë