Ivica Daçiç, ministër i Jashtëm në qeverinë e re të Serbisë

Partia Përparimtare Serbe dhe Partia Socialiste e Serbisë kanë bërë publikë emrat e ministrave të Qeverisë së re të Serbisë, që do të udhëhiqet nga Ana Bërnabiç.

Lideri i socialistëve, Ivica Daçiç, do të jetë ministër i Punëve të Jashtme, kryetar i Byrosë së Koordinimit të Shërbimeve të Sigurisë dhe zëvendëskryeministër i parë. Ai rikthehet pas dy vjetësh në krye të diplomacisë serbe.

Qeveria e re serbe do të ketë gjithashtu edhe ministra pa portofol, por edhe dy ministra nga radhët e minoriteteve. Ajo do të ketë 25 ministri, apo katër më shumë sesa ekzekutivi paraprak.

Serbia mbajti zgjedhjet parlamentare më 3 prill. Rezultatet përfundimtare të zgjedhjeve u shpallën më 5 korrik, për shkak se në disa qendra të votimit në jug të Serbisë u përsëritën zgjedhjet.

LEXONI GJITHASHTU

• Kurti: Nuk tolerojmë prekjen e sovranitetit dhe integritetit territorial të Kosovës
• Osmani: E pamoralshme që targat e Millosheviçit të ecin lirshëm nëpër Kosovë
• Osmani: As SHBA, as BE s’na ka kërkuar të heqim dorë nga njohja reciproke