Pandemia Covid-19 shton vështirësitë për shkollimin e fëmijëve të komunitetit rom

Fëmijët e komunitetit rom, janë pjesë e kategorisë se nxënësve që nuk kanë pasur mundësi të bëjnë mësim online dhe sot duhet të kthehen në bankat e shkollës. Gazetarja e Euronews Albania Ortensa Budlla, kontaktoi disa prej tyre, ku vërehet qartë që jo vetëm nuk kanë bërë mësim online, por nuk janë të informuar fare rreth shkollës.

Ky është Taulant Selmani, nxënës i klasës së 5-të, në shkollën “Azem Hajdari”. Kushtet ekonomike në familjen e tij janë të vështira, ndaj as nuk mund të flitet për zhvillim të mësimit online gjatë pandemisë.

Si ai janë dhe shumë fëmijë të tjerë të komunitetit rom, të cilët gjatë izolimit për shkak të coronavirus, nuk kanë zhvilluar asnjë orë mësim.

Por jo vetëm kaq ata nuk kanë as njoftim që ditën e sotme duhet të ktheheshin në bankat e shkollës për të marrë mësime plotësuese. Jeta e vështirë që këta fëmijë bëjnë, i ka detyruar të braktisin edhe shkollën që para pandemisë.

Prindërit e tyre thonë se e kanë të pamundur të mundësojnë arsimimin e tyre për shkak të kushteve të vështira ekonomike ku ndodhen. 

“Tre fëmijë kam, dy i kam në shkollë. Jo nuk kanë bërë mësim online se nuk kemi drita, nuk kemi mundësi. Shesim këtu me sakrifica që të nxjerrim bukën”, shprehen prindërit.

Lexoni gjithashtu:

Nuk bënë dot mësim online, 4500 nxënës rikthehen në bankat e shkollës për mësim plotësues

Shkollimi i fëmijëve romë në kohë pandemie, Romina Sefa: S’kanë qasje në mjetet teknologjike