I sekuestrohet pasuria me vlerë 400 mijë euro 34-vjeçarit në Elbasan

34-vjeçarit Daniele (Oklid) Çela banues në Elbasan, i është sekuestruar pasuria me vlerë 400 000 euro.

Policia bën me dije se Çela është dënuar me 13 vjet burgim në Norvegji, si pjesëtar i një grupi kriminal për trafikim të narkotikëve.

Në kuadër të operacionit policor të koduar “Fasada 2”, konkretisht janë sekuestruar: një apartament, një biznes (lokal) dhe garazhi i tij në lagjen “Visarjon Xhuvani” në Elbasan, dhe një ndërtesë dykatëshe në Peqin.

Nën drejtimin e Prokurorisë, vijon puna për të zbuluar asete të tjera të përfituara nga veprimtaria kriminale që Çela dhe familjarët e tij mund t’i kenë regjistruar në emër të personave të tjerë.

Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

LEXONI GJITHASHTU: 

• Italia operacion me Shqipërinë, nga Tirana u vodhën miliona euro përmes call center
• Korrupsioni në Pikën Kufitare të Morinës, SPAK dërgon për gjykim 34 persona