Rritet numri azilkërkuesve nga Shqipëria, në gusht shifrat më të larta se Ukraina

Rritet numri i aplikimeve për azil të shqiptarëve, madje në disa raste duke ua kaluar dhe shtetasve nga Ukraina.

Të dhënat e Eurostat tregojnë se në gusht aplikimet për azil nga shqiptarët ishin gati 1100 ndërsa të Ukrainës në korrik ishin 950.

Për më tepër që Ukraina ka një popullsi prej 43 milionë banorësh.

Sipas të dhënave paraprake të Eurostat për periudhën janar- gusht 2022 janë regjistruar gjithsej 6,860 aplikime për azil në BE nga shtetasit shqiptarë, me një rritje prej 68% në krahasim me të njëjtën periudhë të vitit të kaluar.

Destinacionet kryesore ku shqiptaret kërkojnë azil janë Franca, me 46% të aplikimeve dhe Gjermania, me 12%.

LEXONI GJITHASHTU:

• Meta: Berisha mban përgjegjësi për primaret, shqiptarët presin fitoren e opozitës
• Berisha dhe Meta firmosin nesër marrëveshjen për aleancën në zgjedhjet vendore
• ‘Shkelje e barazisë në tenderë’, akuza që rëndon mbi Sonila Qaton