Protesta e 12 nëntorit, Berisha: Shqipëria po zien nga zemërimi dhe revolta

Kryetari i Partisë Demokratike, Sali Berisha thotë se Shqipëria po zien nga zemërimi dhe revolta, në prag të protestës masive të opozitës që do të zhvillohet më 12 nëntor.

Në një deklaratë për mediat nga selia blu, Berisha u shpreh se gjendja është alarmante për çdo shtresë të shoqërisë shqiptare.

“Shqipëria po zien si rrallë ndonjëherë në historinë e saj, nga zemërimi dhe revolta e qytetarëve të saj, bizneseve të vogla, të cilët presin në ankth të madh të nesërmen, për shkak të lukunisë së taksidarëve që është derdhur mbi ta, po zien në çdo familje shqiptare për shkak të çmimeve të papërballueshme. Po zien te çdo pensionist, që qan me lotët e ftohta të mjerimit, sepse nuk blen dot ilaçet me pensionin e tij.

Po zien në qindra mijëra punonjës rrogëtarë në këtë vend, të cilët me pagat që marrin nuk përfundojnë as muajin. 2500 policë kanë dorëzuar dorëheqjen, gjysma e ushtarakëve profesionistë kanë dorëzuar dorëheqjen dhe mbahen me detyrim për shkak të kontratës që kanë firmosuar. Gjendja është alarmante.”, theksoi ai.

LEXONI GJITHASHTU

• Gjykata dënon me 3 vite burg ish-kryebashkiakun e Lezhës, Fran Frrokaj
• Gazment Bardhi në SPAK: Ka përparime në hetimet për inceneratorin e Elbasanit
• Deputeti i Partisë Demokratike, Gazment Bardhi paraqitet në SPAK