Udhëtimet e Ramës me avion, Berisha: Të japë menjëherë dorëheqjen

Kryetari i Partisë Demokratike, Sali Berisha ka kërkuar dorëheqjen e kryeministrit, Edi Rama, pasi këtij të fundit iu publikuan nga hakerat, udhëtimet që ka kryer gjatë periudhës në qeveri.

Në një deklaratë për mediat, Berisha u shpreh se gjatë kësaj kohe, Rama ka shpenzuar 22 milionë euro për udhëtime nga taksat e shqiptarëve.

“Avion në dispozicion kanë emirët dhe sheikët, por zor se gjen ndonjë prej tyre që ka fluturuar 137 herë, me avion në dispozicion, askush. Këtu është përdorur avioni për weekend-e, për qoka, në mënyrën më abuzive. Edi Rama duhet të japë menjëherë dorëheqjen, mos të presë ta dorëheqin qytetarët e zemëruar shqiptarë.

Nuk mund të mashtrojë, të gjitha këto janë të nxjerra nga TIMS-i, janë dokumente origjinale. Ia nxorri Homeland Justice apo Erion Veliaj, ky është problem tjetër, nuk ka asnjë rëndësi për mua”, theksoi kryedemokrati.

LEXONI GJITHASHTU

• Rama reagon pas publikimit të udhëtimeve të tij nga hakerat
• Hakerat publikojnë të dhënat e kryeministrit Edi Rama