Vrau me thikë bashkëfshatarin në Pogradec, arrestohet pas 2 muajsh Fatmir Manellari

Është arrestuar autori i vrasjes së shtetasit Safet Hyskollarin dy muaj më parë në fshatin Gështenjas të Pogradecit.

Fatmir Manellari është vënë në pranga mëngjesin e së shtunës në shtëpinë e tij.

Ngjarja ndodhi 2 muaj më parë. Mes autorit dhe viktimës ka pasur konflikte të vazhdueshme verbale sa herë viktima kthehej me pushime nga ShBA-ja në fshatin e tij.

Konfliktet sipas burimeve lidhen me punimet që viktima kryente në afërsi të shtëpisë. Gjatë ditëve të fundit viktima kishte kryer punime për zgjerimin e rrugës dhe vendosjen e disa tubove prej betoni.

Autori pretendonte pronësinë e ish-kovaçanës së fshatit ku ai ka punuar për shumë vite, godinë e cila ndodhet përballë banesës së viktimës.

Autori Fatmir Manellari shkoi mbrëmjen e 7 shtatorit tek banesa private e viktimës duke e goditur disa herë me thikë sapo 65-vjeçari ka dalë nga dera.

Policia nuk ka gjetur thikën me të cilën Manellari qëlloi për vdekje bashkëfshatarin e tij, i cili ndërroi jetë në spitalin e Pogradecit.

LEXONI GJITHASHTU:

• Vrau fqinjin sa doli nga banesa, asnjë gjurmë nga autori në Pogradec
• ‘S’mbaj mend asgjë’, i riu që vrau komshiun mbetet në qeli