Bojkot i provimeve të sezonit nëse qeveria nuk plotëson kërkesat

Në protestën e katërt kombëtare pedagogët ishin më të pakët në numër. Pas tërheqjes përkohësisht nga bojkoti i mësimit, ata paralajmërojnë se do të protestojnë periodikisht për të kërkuar plotësimin e kërkesave.

“Ne nuk jemi këtu për lojëra, ne nuk jemi këtu për dinakëri, ne nuk jemi këtu për të marrë pushtet, ne nuk jemi këtu për të rrëzuar dikë nga pushtetit, ne jemi këtu për të kërkuar thjeshtë të drejtat e munguara, të drejtat e mohuara,” – u shpreh pedagogia Enkelejda Olldashi.

“Ku flisnim këtu na u tha 0%, sot kemi kaluar në 15. Në qoftë se do ta vazhdojmë këtë qëndresë do të kalojmë edhe 30 e për të përfunduar tek 50%,” – tha pedagogu Aleksandër Petre.

Në kërkesat e tyre ata përmendin edhe studentët.

“Pagesat e tarifave të shkollimit të studentëve shqiptarë të jenë  jo më shumë se tarifat e studentëve në Kosovë,” – u shpreh pedagogu Ismail Hoxha.

Arsyeja përse vendosën të futen në auditor ishte për të mos dëmtuar vitin akademik.

LEXONI GJITHASHTU:

• Pedagogu tregon nëse do të marrin pjesë në protestën e 12 nëntorit
• Rasti më skandaloz, 8 pedagogë të inxhinierisë në Kosovë kopjuan nga njeri-tjetri
• Pedagogët ultimatum qeverisë për kërkesat: Do bojkotojmë sezonin e provimeve