Rikthimi i kazinove në qendër të Tiranës, reagon PD: Vendim në interes të oligarkëve dhe pastrimit të parave

Vendimi i qeverisë që përcakton se qendra e Tiranës do të jetë zona se ku do të pozicionohen kazinotë në kryeqytet solli reagimin e Partisë Demokratike, e cila e konsideroi këtë si një rikthim në skenën e krimit.

Dorian Teliti në emër të PD-së u shpreh se kjo lëvizje e kryeministrit po bëhet në muajt e fundit të qeverisjes së tij në ikje.

“Dhe si çdo premtim i Edi Ramës, edhe ky u tret në pluhurin e harresës dhe të interesave të oligarkëve të tij.

Sot, dy vjet më vonë, ndonëse në një kohë që BE ka futur Shqipërinë në listën gri për pastrimin e parave dhe ka nënvizuar lojërat e fatit janw një nga mënyrat se si pastrohen paratë, Rama në nxitim e sipër, në muajt e fundit të qeverisjes së tij agonike, rikthen në lojë kazinotë në zemër të Shqipërisë, në qendrën historike të Tiranës”, shkruan Dorian Teliti.

Lexoni gjithashtu:

Rikthehen lojërat e fatit| Zbardhet vendimi i qeverisë, kazinotë do të vendosen në qendër të Tiranës