22-vjeçarja nga Kenia u plagos në Tiranë, policia jep detaje

22-vjeçarja nga Kenia me iniciale J.A, e cila u gjet pa ndjenja në afrësi të banesës të marrë me qira në Tiranë, është plagosur.

Në këtë përfundim kanë arritur hetuesit, pas denoncimit të bërë nga shoqja e 22-vjeçares për humbjen e kontakteve me të.

Njoftimi i policisë:

Më datë 14.08.2022, një shtetase nga Kenia ka bërë denoncim për humbjen e kontakteve me shoqen e saj, shtetasen J. A., 22 vjeçe, nga Kenia, banuese në një banesë me qira, në rrugën “Pandeli Evangjeli”, e cila më pas u gjet pa ndjenja, në afërsi të banesës së saj.

Në lidhje me këtë rast sqarojmë se Komisariati i Policisë Nr. 1 ka vlerësuar denoncimin e bërë dhe ka reaguar në kohë. Në përfundim të veprimeve të para hetimore për këtë rast janë referuar materialet në Prokurorinë pranë Gjykatës së Rrethit Gjyqësor Tiranë, e cila ka regjistruar procedimin penal, për veprën penale “Plagosja e rëndë me dashje”.

Gjithashtu, sqarojmë se strukturat hetimore të Komisariatit të Policisë Nr. 1 Tiranë kanë kryer të gjitha veprimet hetimore të deleguara nga Prokuroria, për sqarimin e rrethanave të këtij rasti.

LEXONI GJITHASHTU:

• “Non gratën e ke në kokë’, Rama përplaset me Alibeajn: Bën sikur je në krye të PD-së
• Abdixhiku paralajmëron Kurtin: Kosova nuk mund të ecë pa përkrahjen e SHBA-ve
• “Na ka ngelur sharra në gozhdë”, Rama sulmon SPAK: Sportel pazaresh