“Ti bëj kujdes, shiko proceset që ke”, Rama kërcënon hapur Ervin Salianjin?

Kryeministri Edi Rama është përplasur me deputetin Ervin Salianji në seancën plenare ditën e sotme në Kuvend.

Në fjalën e tij kreu i qeverisë i është drejtuar që të bëjë kujdes, ndërsa Salianji këtë fjalë e ka marrë si kërcënim.

Rama teksa i ka thënë se nuk është kërcënim,  i tha se dje ka fituar dhe një proces gjyqësor për shpifje.

Numri  një i qeverisë i është drejtuar Saliajnit duke i thënë se është bedel dhe se nuk ka dinjitet.

“Ti bëjë kujdes, shiko proceset që ke. Po të informoj se dje kam fituar një proces tjetër për shpifje. Të uroj suksese me procesin që ke atje. Jeni kryebedel, ti je një bedel pasionant. Ti je si mizë nën të ndenjurat e kalit që kujton se tërheq karrocën. Ti qëndro atje dhe luaj rolin e shqiponjës duke tundur flatrat e një mize të bezdisshme. Rri aty se ke dhe ditë të vështirë sot. Kujdes me fjalorin. Ju bedel, nuk keni fe, nuk keni imam, nuk keni flamur, nuk kemi dinjitet, nuk keni asgjë”- tha Rama.

LEXONI GJITHASHTU

• “Jam katundari më i mirë këtu”, Rama-opozitës: Jeni mallkimi që ndjek vendin
• Abdixhiku paralajmëron Kurtin: Kosova nuk mund të ecë pa përkrahjen e SHBA-ve