Primaret në PD, një tjetër kandidat i bashkohet garës për Fierin

Albano Zhapaj ka prezantuar këtë të mërkurë kandidaturën e tij në Primare për Bashkinë e Fierit.

Zhapaj u shpeh se e mori këtë vendim, pasi situata ekonomike dhe sociale në Fier është tejet e rëndë.

“Vendosa të kandidoj në primaret për Fierin, pasi nuk e pranoj dot që unë dhe bashkëqytetarët e mi të jetojmë në një qytet ku të rinjtë largohen se s’kanë punë, s’ka shpresë, nuk pranoj dot që çdo vit mbyllen shkolla e kopshte, boshatisen lagje e fshatra, nuk pranoj dot që toka të zbrazet e të mos punohet, që të braktisen shtëpitë, që të braktisen varret e të parëve, vetëm e vetëm se një grusht pushtetarësh kanë vendosur të na nxjerrin në treg.

Modeli i një pushteti vendor që kam në mendje është ai model ku qytetari i kërkon llogari pushteti vendor dhe jo e kundërta, ku qytetari të jetë pjesë aktive e jetës dhe vendimmarrjes së qytetit, dhe jo vuajtës i vendimmarrjeve të këqija, atyre klienteliste, korruptive dhe shtypëse”, theksoi ai.

LEXONI GJITHASHTU

• Çfarë e detyroi Berishën të shtynte afatin e primareve?
• I propozohet të kandidojë në primare për Korçën, por Eleina Qirici refuzon
• Zyrtarizohet kandidati i dytë në Primaret e PD-së për Bashkinë e Fierit