Liga Unike, basketbolli bashkon skuadrat e Shqipërisë dhe Kosovës

Për herë të parë, do të zhvillohet një ligë e përbashkët basketbolli mes skuadrave nga Shqipëria dhe Kosova. Presidenti i federatës së basketbollit Avni Ponari dhe homologu i tij nga Kosova Arben Fetahu kanë nënshkruar formimin e “LIGËS UNIKE”.

Në këtë garë, të përkrahur edhe nga Federata Ndërkombëtare e Basketbollit  do të marrin pjesë tetë skuadra, katër nga Shqipëria dhe katër nga Kosova.

Nesër do të bëhet dhe prezantimi i kësaj lige ku nuk mund të mungonte dhe kryeministri Rama i cili është i dhënë pas këtij sporti, madje do të jetë ai që do bëjë prezantimin e logos.

Përveç rivalitetit që pritet mes skuadrave pjesëmarrëse në këtë garë pritet gjithashtu edhe një interesim i madh nga tifozët e këtij sporti sepse duke theksuar se ky është një vendim i rëndësishëm që do të çojë përpara sportin e basketbollit si në Shqipëri ashtu edhe në Kosovë.