Zbulohen kryebashkiakët që do të rikandidojnë në PS

Partia Socialiste ka mbledhur sot në orën 19:00 Kryesinë. Në fokus të mbledhjes pritet të jenë zgjedhjet lokale të 14 majit.

Gazetarja e Euronews Albania Eksiola Shehu raportoi se prej disa javësh kryeministri Rama ka nisur një tur takimesh me qytetarët në të gjithë vendin, nga ku ka konfirmuar edhe disa kryebashkiakëve socialistë.

Mes tyre është rikonfirmuar Erion Veliaj në Tiranë, në Gjirokastër Flamur Golemi, Alma Hoxha në Përmet, në Shijak Elton Arbana, Pjerin Ndreu në Lezhë, Andi Salla në Cërrik, në Dibër e Bulqizë pritet të jenë kryetarët aktualë.

Mësohet jo zyrtarisht se Rama pritet të rikonfirmojë pjesën më të madhe të kryetarëve aktualë.

Dritan Leli nuk do të jetë kandidati i besuar i socialistëve në Vlorë, por pritet që edhe Mallakastër të mos rikonfirmohet kryebashkiaku pasi SPAK e akuzon për fshehjen e dënimit në Greqi.

LEXONI GJITHASHTU:

• Deklaratat e Metës për portin e Durrësit, reagon Rama
• Përmend flamurin e NATO-s, Rama ironi në 50 vjetorin e Kongresit të Drejtshkrimit