Banka Qendrore Evropiane: Kulmi i inflacionit po afrohet

Eurozona ka një vit që lufton kundër inflacionit gjithnjë në rritje dhe pushtimi rus i Ukrainës e ka rritur më tej atë.

Në shtator 2021, rritja e inflacionit në eurozonë arriti në 3.4 për qind, që ishte rritja më e lartë në 13 vitet e fundit. Por që nga shtatori, kjo përqindje është rritur ndjeshëm dhe tani qëndron në 10.7 për qind marramendëse, raporton CNBC.

Megjithatë, një nga anëtarët e Bankës Qendrore Evropiane (ECB) beson se rritja e çmimeve së shpejti mund të fillojë të bjerë. Kulmi i inflacionit është “pothuajse këtu”, thotë Edward Scicluna, i cili është edhe Guvernatori i Bankës së Maltës. Por ai shton se ne ende duhet të jemi vigjilentë sepse Banka Qendrore Evropiane është e varur nga të dhënat, shkruan KosovaPress.

ECB do të publikojë parashikimet e saj në mes të dhjetorit pasi të marrë një vendim për normat e rritjes. Në shtator, ata parashikuan se norma e inflacionit do të rritet me 8.1 për qind këtë vit dhe 5.5 për qind vitin e ardhshëm. Qëllimi i tyre është të ulin inflacionin në 2 për qind.

LEXONI GJITHASHTU:

• Kredia frikëson qytetarët, bien kërkesat në banka
• Jo blerje më lekë në dorë, të gjithë me llogari bankare, shteti do mbulojë kostot