Vjosa Osmani zbulon se kur mund të mbahen zgjedhjet e parakohshme në veri

18 dhjetori pritet të jetë data e zgjedhjeve të parakohshme në komunat në veri të Kosovës, pas dorëheqjes së zyrtarëve serbë nga institucionet.

Lajmin e ka bërë të ditur Presidentja e Kosovës, pas konsultimit që pati me krerët politikë në vend.

“Ne do të ulemi edhe një herë me ekipin tonë ligjor për caktimin e datës së zgjedhjeve. Sipas të gjitha gjasave data e zgjedhjeve do të jetë më 18 dhjetor”, tha ajo në një konferencë për media.

Sipas saj, mbërmjen e sotme apo mëngjesin e së nesërmes pritet të shpallen zgjedhjet, duke shtuar se po respektohen ligjet dhe afatet sa i përket organizimit të tyre.

Katër kryetarët e komunave në veri të Kosovës dhanë dorëheqje nga pozitat e tyre, si vazhdimësi e veprimeve të Listës Serbe e cila po kundërshton vendimin e Qeverisë së Kosovës për targat.

Ky veprim i ka hapur rrugë zgjedhjeve të jashtëzakonshme në këto komuna meqë sipas një vendimi të Gjykatës Kushtetuese, mandati i çdo kryetari të komunës merr fund me dorëheqjen e tij.

LEXONI GJITHASHTU

• Zgjedhjet në veri, Osmani takim me partitë politike
• “Protesta u financua nga Rusia”, deklarata e fortë e Frrok Çupit
• Rama nga Shkupi: Procesi i Berlinit s’do jetë i përhershëm