Ndotje rekord në Shkup, Maqedonia e Veriut renditet e treta në botë

Maqedonia e Veriut vazhdon të ketë probleme serioze me ndotjen e ajrit. Kështu, kryeqendra e saj, Shkupi, është në listën e tri qyteteve më të ndotura në botë për këtë javë, raportoi World Air Quality Index.

Mjeku Sedat Lumani ngre alarmin se kjo gjendje po ndikon në gjendjen shëndetësore të banorëve.  

“Ndotja në përgjithësi shkakton çrregullime tek të gjithë njerëzit, po sidomos te të moshuarit dhe ata me sëmundje kronike, siç janë ato të sistemit respirator, kardiovaskular, tek fëmijët e porsalindur dhe ata të grupmoshave tjera të vogla që shkojnë nëpër çerdhe dhe shkolla”, thotë ai.

Lumani u bën apel qytetareve të konsultohen me mjekët nëse vërejnë se kane problem me frymëmarrjen. Ata duhet të evitojnë sa më shumë ambientet me ajër të ndotur. 

Autoritetet e posa֛çme të Republikës së Maqedonisë së Veriut thonë se janë duke punuar për rezultatet e masave afatgjata, por po studiojnë edhe masa të tjera në vazhdim për të siguruar ambient të shëndoshë jetësor. Autoritetet pranojnë edhe sugjerimet e shoqërisë civile, e cila përmes protestave javën e kaluar, ngriti zërin kundër ndotjes rekorde.