Ish-kryeministri Italian del nga spitali, i bën thirrje komunitetit të respektojë masat

Silvio Berluskoni ka dalë sot në orën 11:30 nga spitali San Raffaelo pas gati një jave që nga shtrimi i tij dhe ka komunikuar me gazetarët për situatën e tij gjatë kësaj periudhe.

Berluskoni bëri të ditur se e ka kaluar koronavirusin dhe se kjo ishte një nga eksperiencat më të vështira që ai kishte përjetuar.

“Kjo ishte një provë e vështirë dhe e them këtë me emocion duke falënderuar zotin e doktorët e spitalit San Raffaele. Mbi të gjitha falënderoj profesorin Alberto Zangrillo dhe stafin e tij, pasi kam kaluar atë që unë e quaj një nga sfidat më të rrezikshme të jetës sime. Profesor Klementi nga spitali San Rafaele studioi tamponin tim dhe u habit nga intensiteti i virusit, më i larti nga 10 mijë të vëzhguar në San Raffaele. Për fat kur ma thane këtë unë isha ndërkohë në fazën e rikuperimit të pneumonisë bilaterale që më kishte bërë një nga personat më në risk. Megjithatë, mund ta them me kënaqësi: ‘Edhe kësaj radhe ia hodha paq’, tha ai.  

Ndërkohë që publiku falenderon për shërimin e ish kryeministrit, Berluskoni bën gjithashtu edhe një thirrje të gjithë qytetarëve se është e rendësishme që të rrespektohen masat dhe përgjegjësitë personale dhe sociale.