‘Sudja i përket PD’, Balluku i kthehet Bushatit: S’ka ujë që ju lan nga e shkuara

Ministrja e Energjisë dhe Infrastrukturës Belinda Balluku ka debatuar me deputetin e PD Helidon Bushati në komisioni e Veprimtarisë Prodhuese ku po diskutohet projektligji i portit të Durrës.

Balluku replikoi më Bushatin që më herët kishte përmendur firmat piramidale dhe Suden në Komisionin e Veprimtarisë Prodhuese, duke i kujtuar se fenomeni ‘Sude’ lidhet me PD, që sipas saj është përgjegjëse për 3 mijë viktima në ‘97.

“Nëse përmend fenomenin Sude në këtë tryezë do detyrohem të them se fenomen ‘Sude’ i përket partisë suaj, atë  e keni shpikur ju dhe nuk e di se ka pasur ndonjë replikim në botë se do guxim shumë të madh të marrësh një vend të sapo dalë nga diktatura dhe të bësh çorap një vend të tërë. Dhe më tepër fenomeni i Sudeve i kushtuan këtij vendi 3 mijë viktima, e futën këtë vend në luftë civile, i shkatërruan faqen këtij vendi për dekada, që mund të themi tashmë s’mban ndonjë ndërkombëtar mend që këtu ka pasur një 97 që erdhën  si rezultat i Sudeve tuaja. Nuk mund të mbajmë në prehër atë që keni bërë. S’do ketë kurrë ujë që t’ju lajë nga historitë e Sudes dhe të shkuarës suaj”, tha Balluku.

LEXONI GJITHASHTU:

• ‘Të kam falur’, Balluku i kthehet Bushatit në komision: Flisni për projekte 3D
• ‘S’do ketë vende pune’, Shehi: Projekti për Portin e Durrës pa vlerë dhe pa garë