‘Të kam falur’, Balluku i kthehet Bushatit në komision: Flisni për projekte 3D

Ministrja e Energjisë dhe Infrastrukturës Belinda Balluku ka debatuar me deputetin e PD Helidon Bushati në komisioni e Veprimtarisë Prodhuese ku po diskutohet projektligji i portit të Durrës.

Balluku i ka tërhequr vëmendjen Bushatit, i cili ka ndërhyrë në momentin që ajo ka marrë fjalën.

“Shiko ça bën tani s’ka lezet”, iu drejtua Balluku deputetit të PD dhe ndërsa ky i fundit i kërkoi ndjesë, ministrja iu përgjigj me të qeshur: ‘të kam falur’.

Balluku i cilësoi pa vend deklaratat e opozitës që sipas saj prej 4 vjetësh flasin për investime dhe projekte 3D, ndërsa numëroi disa nga projektet e finalizuara nga qeveria.

“Kam 4 vite që ju dëgjoj të flisni për investime në letër dhe 3D. Folët për aeroportin e Kukësit dhe e patë që është i vërtetë, folët për 3D të aeroportit të Vlorës dhe ja ku janë punimet. Ne këtu jemi, kemi plan të rrimë edhe gjatë akoma. Këto projektet tona janë më të vërteta se kurrë. Tuneli i Llogarasë është 5 kilometër vetëm një vit nga nisja e punimeve. Këtu do jemi, që ta shohim si do zhvillohet Durrësi”, tha Balluku.

LEXONI GJITHASHTU:

• Porti i Durrësit projekt mafioz, Meta: Gjithçka bëhet për të fituar nga apartamentet
• Porti i Durrësit, Tabaku: 300 mln euro i falen kompanisë fantazmë