“Deti s’është veç peshk e plazh”, drejtori i portit: Çfarë do bëjmë në Durrës

Drejtori i Portit të Durrësit, Pirro Vengu ka treguar detaje në lidhje me projektin për portin e ri të qytetit bregdetar.

I ftuar në emisionin “Now” në Euronews Albania ai tha se projekti zhvillimor i portit do të zhvillohet në dy faza.

Ai tha se deti nuk është vetëm peshk dhe plazh por është horizont zhvillimor.

“ Porti aktual tregtar vijon të përmbushë funksionet e tij tregtare deri në zhvendosjen Porto Romano, prandaj projekti zhvillimor i marinës së Durrësit do të zhvillohet në dy faza. Faza e parë është jashtë zonave të përpunimit portual. Deti nuk është vetëm peshk dhe plazh, deti është horizont zhvillimor. Në 17% të kësaj mase është tokë e pashfrytëzuar, jashtë terminaleve, e ndotur prej vitesh. Është një port disa vjeçar.

Ka zhvillimi dhe ridimensionim. Aseti më i vyer i shtetit shqiptar janë tolatat e Portit të Durrësit. Ato nuk tjetërsohen, investitori privat ka detyrimin t’i rehabilitojë, t’i përshtasë për funksionet e reja të një porti. Kemi nevojë për anije që qëndrojnë në Durrës. Jo anije që vijnë për të marrë karburant dhe të ikin”- tha ai.

LEXONI GJITHASHTU: 

• ‘Plan grabitjeje’, Endrit Shabani: Skandali në Portin e ri të Durrësit
• Porti i Durrësit projekt mafioz, Meta: Gjithçka bëhet për të fituar nga apartamentet