Kokainë në banesë dhe abuzim seksual me një të mitur, arrestohen 3 persona në Lezhë

Tre persona janë arrestuar në Lezhë në kuadër të operacionit policor të koduar “Ndëshkimi”.

Shtetasit I. P., 20 vjeç, A. G., 19 vjeç dhe K. T., 20 vjeç mbanin një pako me kokainë në banesën e një 16-vjeçari, e cila ishte e ndarë në dhjetëra doza, gati për shitje.

Gjithashtu, në banesë u gjetën dhe u sekuestruan 1 peshore elektronike, 1 kallëp tritol, kapsolla detonatore dhe sende të tjera të kundërligjshme.

Në momentin e kontrollit, 16 vjeçari, në banesën e të cilit u gjetën sendet e kundërligjshme, nuk është gjetur në banesë dhe është shpallur në kërkim.

Gjithashtu, gjatë këtij operacioni rezultoi se shtetasit I. P. dhe A. G., në banesën e 16-vjeçarit, kishin kryer marrëdhënie seksuale me dhunë, me një shtetase të mitur 15 vjeçe, e cila është paraqitur në Komisariatin e Policisë dhe në prani të prindërve, psikologut dhe avokatit, ka bërë kallëzim për këta 2 shtetas.

LEXONI GJITHASHTU

• Në kërkim për kokainën në Fier, dyshime se dy kolumbianët janë larguar nga Shqipëria
• Droga e Tivarit përpunohej në banesën e ish-kryeplakut të fshatit në Fier
• Kokaina Mal i Zi-Fier, 15 të arrestuar, 4 shqiptarë