Kultivim droge në Fier, AMP ekzekuton urdhrin e Prokurorisë për 2 policë e 4 persona

Drejtoria Rajonale e AMP-së Fier-Berat ka ekzekutuar Urdhrin e Prokurorisë në Gjykatën e Shkallës së Parë Fier, për caktimin e masës së sigurisë “Arrest me burg”, për dy punonjës të policisë dhe katër persona të tjerë, në lidhje me kultivim të lëndëve narkotike.

Përmes një njoftimi, AMP bën të ditur se ekzekutimi i masave të sigurisë, u krye pasi më 20 qershor të këtij viti, janë gjetur dhe konstatuar të kultivuara një sasi bimësh narkotike në fshatin Mujalli.

Policët e arrestuar janë shtetasit, S. GJ., me funksion Specialist për Krimet në Komisariatin e Policisë Fier dhe  R. N., me funksion Ndihmës Specialist (SPZ) në Komisariatin e Policisë Fier, pasi kanë shpërdoruar detyrën.

Ndërkohë, katër personat e tjerë të cilët kanë rënë në pranga janë shtetasit S. G., V.G, R.B, E.Q. Ky i fundit është shpallur në kërkim pasu nuk u gjet në banesë.

Të katër shtetasit, akuzohen për kryerjen e veprës penale të “Kultivimit të bimëve narkotike”.

LEXONI GJITHASHTU

• Në kërkim për kokainën në Fier, dyshime se dy kolumbianët janë larguar nga Shqipëria
• Droga e Tivarit përpunohej në banesën e ish-kryeplakut të fshatit në Fier
• Kokaina Mal i Zi-Fier, 15 të arrestuar, 4 shqiptarë