Anëtarësimi në NATO, ministri turk takim me homologun suedez dhe finlandez

Ministri i Jashtëm i Turqisë, Mevlut Cavusoglu deklaroi se do të takohet me homologët nga Suedia dhe Finlanda, për të diskutuar për aplikimet e tyre për t’iu bashkuar aleancës ushtarake të NATO-s.

Takimi do të zhvillohet në samitin e NATO-s që mbahet më 29 nëntor në Bukuresht, shkruan Daily Sabah.

“Ne do të takohemi me ministrat e jashtëm të Suedisë dhe Finlandës nesër në Bukuresht në një format trepalësh,” tha Çavuşoglu të hënën teksa foli me një grup gazetarësh pas një konference të përbashkët për shtyp në Ankara me homologun e tij nga Turkmenistani.

Ankaraja i ka akuzuar dy shtetet nordike se ofrojnë strehë të sigurt për militantët kurdë, që Turqia i konsideron “terroristë” dhe nuk ka ratifikuar anëtarësimin e tyre në NATO, pavarësisht një marrëveshjeje që u arrit në qershor.

Finlanda dhe Suedia vendosën që të bëhen anëtare të NATO-s në maj, pasi Rusia nisi pushtimin e Ukrainës.

LEXONI GJITHASHTU

• NATO-së i shterojnë rezervat, 20 nga 30 vende anëtare s’kanë armatime për Ukrainën

• Stoltenberg: NATO nuk do të tërhiqet në mbështetjen për Ukrainën
• Lufta në Ukrainë, amerikanët vendosin sanksione të reja ndaj rusëve