Florian Haçkaj tregon arsyet: Pse më hoqën pasaportën shqiptare

Florian Haçkaj, nga lëvizja Diaspora për Shqipërinë e Lirë deklaroi se ministria e Brendshme, i ka hequr pasaportën shqiptare dhe është çregjistruar si banues në Tiranë.

Në emisionin “Now” në Euronews Albania, Haçkaj u shpreh se kjo ka ndodhur për shkak se ai dhe pjesëtarët lëvizjes Diaspora për Shqipërinë e Lirë, kanë paditur shtetin shqiptar në Gjykatën Kushtetuese, për mos realizimin e votës së emigrantëve.

“Tentakulat e sistemit, për të na sulmuar, për të na intimiduar vijnë edhe te ne, sado që jetojmë jashtë. Kemi ngritur një padi në Gjykatën Kushtetuese ndaj shtetit shqiptar për mosrealizmin e votës së Diasporës. Donim të sillnim një risi me këtë.

Kërkesat për ta delegjitimuar këtë kërkesë ishin aq të ulëta nga Kuvendi shqiptar, sa shkuan deri aty, sa sot, ministria e Brendshme, para 3 javësh mua më ka çregjistruar nga Tirana si shtetas i Shqipërisë, si banues i zonës sime dhe më ka hequr pasaportën. Ky është një lloj presioni. Sistemi është i tillë, kemi të bëjmë me një regjim që të sulmon”, theksoi ai.

LEXONI GJITHASHTU

• Nazarko shpërthen ndaj Metës e Majkos: Punën e parë në jetë, kryeministra
• Revoltohet Lapaj: U tradhtuam nga prindërit, u bënë me atë me gishta e atë me grusht
• Shpëtim Nazarko: Pse i kam humbur shpresat nga PS dhe PD