’’Mmic’’ sjell Baldwin në Tiranë, një histori e trilluar mbi të vërtetën

Aktorët Natalia Sanchez dhe Wiliam Baldwin kanë vizituar Shqipërinë si pjesë e kastit të filmit “My mother is a Cosmonaut“. Një histori e trilluar, me një zanafillë të vërtete nga regjisori Andi Deliana.

‘’My mother is a cosmonaut’’ është produksioni që sjell në Shqipëri aktorë si William Baldëin dhe Natalia Sanchez. Një histori që zë fill në Francën e viteve 80 që bën bashkë copëza të realitetit me pakëz trillim, nën vulën regjisoriale të Andi Delianës.

 “Filmi është në fakt një histori e trilluar, inspiruar nga copëza historish të vërteta. Kemi të bëjmë me historinë e një familje që ndahet pikërisht kur pritet që Europa të bashkohet.”– tha Andi Deliana, regjisor.

Një pjesë e mirë e skenave të filmit xhirohen në vendin tonë, duke sjellë me vete për herë të parë në Shqipëri aktorë si Baldwin.

‘’Kurrë nuk më është dhënë rasti të vizitoja më parë Ballkanin, dhe për rrjedhojë nuk kam punuar më parë këtu. Njerëzit mendoj do të vizitojnë Shqipërinë sepse arkitektura, arti, kultura, historia dhe ushqimi  këtu janë një potencial fantastik. Ndërsa sa i takon filmit, tek ai më  pëlqen balanca mes fiksionit dhe realitetit”- thekson aktori William Baldwin.

Mesa duket në intensitetin e xhirimeve, kasti është e pamundur të mos i bëjë përshtypje vendi nga vendi ku ndodhet.

 ‘’Mendoj se Shqipëria dhe gjithë Ballkani kanë shumë për t’i thënë botës, tani janë zgjuar dhe është fantastike të jesh pjesë e këtij procesi, është një dhuratë për mua ti jap zë këtyre njerëzve”.– shton Natalia Sanchez aktore

Filmi që pritet të jetë gati përpara mbarimit të vitit 2023, do të jetë gjithashtu i xhiruar në Francë, Maqedoni dhe SHBA.

LEXONI GJITHASHTU: 

• Koha për krishtlindje, qytetet italiane mirëpresin qytetarë e turistë
• Çmim kufizues naftës ruse, vendet e BE-së arrijnë marrëveshjen, kostoja 60$ për fuçi