Policia blindon aeroportin e Rinasit, hiqen makinat e parkuara nga terminali

Të martën në Tiranë pritet të zhvillohet samiti BE-Ballkani Perëndimor.

Në kryeqytet pritet të mbërrijnë 27 liderët perëndimorë të Bashkimit Europian dhe  5 liderë të Ballkanit Perëndimor.

E pranishëm në këtë samit pritet të jetë Presidentja e Komisionit Europian Ursula Von Der Leyen dhe presidenti i Këshillit Europian Charles Michel.

Gazetari Eni Ferhati raportoi nga aeroporti “Nënë Tereza” se do të ketë rrugë alternative për qytetaret që do duan t’i drejtohen aeroportit të Rinasit.

Qytetarët e Tiranës do mund të lëvizin nga rruga e Paskuqanit, më pas drejt Kamzës për të mbërritur drejt aeroportit të Rinasit.

Ndërkohë qytetarët nga Durrësi dhe zona jugore e vendit do të përdorin rrugën e vjetër nga Fushë-Preza për të mbërritur në aeroportin e Rinasit.

Ditën e sotme e gjitha autostrada Tiranë-Rinas, është e blinduar nga forcat e sigurisë, pasi një pjesë e delegacioneve të huaja pritet të mbërrijnë sot në vend.

Ndërkohë është bërë pastrimi i termalit nga makinat e parkuara.

Të gjitha qytetarët që banojnë brenda perimetrit të sigurisë duhet të largojnë automjetet e tyre.

Në terren janë të angazhuara rreth 2 mijë forca policie.

LEXONI GJITHASHTU:

• Rrugët ku nesër në Tiranë nuk do të lejohet as parkimi i makinave
• Vuçiç takim me Lajçak: Pritet vendimi i presidentit serb për pjesëmarrjen në Tiranë
• Shkoi në balotazh me Alimehmetin, reagon Këlliçi: Do flas me votë