‘Të çlirojmë juglindjen’, Putin fajëson Kievin për sulmet ndaj infrastrukturës

Presidenca ruse deklaroi të enjten se i duhet ende të çlirojë lindjen dhe jugun e Ukrainës për shkak të sulmeve të forcave vendase, të cilat kanë bërë këto territore të cenueshme.

Presidenti Vladimir Putin pranoi se ushtria ruse po sulmon infrastrukturën energjetike të Ukrainës, por i cilësoi ato si një përgjigje ndaj goditjeve që pala ukrainase i ka bërë objektivave ruse.

“Ka pasur shumë zhurmë për sulmet tona ndaj infrastrukturës energjetike të fqinjit tonë. Po, ne po e sulmojmë. Por kush i nisi sulmet? Kush e sulmoi urën e Krimesë?” tha Putin.

Ndërkohë, në 24 orët e fundit të paktën 10 persona mbetën të vrarë në qytetin Kurakove, në rajonin e Donjeckut. Sipas presidentit Volodymyr Zelensky, viktimat ishin të gjithë civilë.

Në një video të publikuar nga policia ukrainase shfaqen një grup agjentësh që tërheqin një trup të pajetë dhe pasojat e sulmit që kishte si objektiv një zonë të banuar.

LEXONI GJITHASHTU:

• Ja shteti në të cilin Putini ‘pritet të arratiset nëse humbet luftën në Ukrainë’
• Putin: Rusia nuk do të përdorë e para armët bërthamore