Inskenoi vdekjen, arrestohet në Itali Davide Pecorelli, do ekstradohet në Shqipëri

Davide Pecorelli, 47-vjeçari nga San Giustino i cili inskenoi vdekjen e tij në Shqipëri është arrestuar nga policia italiane.

Pecorelli ishte shpallur në kërkim ndërkombëtar, pasi Gjykata e Rrethit Gjyqësor Pukë, ka caktuar ndaj tij, masën e sigurisë “Arrest në burg”, për veprat penale: “Mashtrimi”, “Dhunimi i varreve”, “Veprime që pengojnë zbulimin e së vërtetës”, “Shkatërrimi i pronës me zjarr” dhe “Kalimi i paligjshëm i kufirit shtetëror”.

47-vjeçari në janar të vitit 2021, inskenoi ngjarjen e vrasjes së tij dhe djegies së trupit.

Arrestimi i tij nga Policia italiane mbrëmjen e sotme në Perugia, u bë me qëllim ekstradimi drejt vendit tonë.

“Në vijim të bashkëpunimit policor me partnerët italianë, me qëllim lokalizimin dhe kapjen e shtetasve të shpallur në kërkim ndërkombëtar, mbrëmjen e sotme, në Perugia, Itali, Policia italiane, në bazë të kërkesave të autoriteteve policore dhe të drejtësisë shqiptare, falë shkëmbimit të informacionit mes policive të të dy vendeve, finalizoi operacionin policor të koduar “Perugia”, ku u arrestua 47-vjeçari.”-njofton policia.

LEXONI GJITHASHTU: 

• Si u inskenua zhdukja e biznesmenit italian, dyshohet se kockat në makinë i përkasin një personi të zhvarrosur
• Gjendet i gjallë biznesmeni italian që dyshohej se ishte djegur brenda automjetit të tij në Pukë
• Zhdukja e biznesmenit italian, hetuesit arrijnë të zbërthejnë GPS-in