Philips: Bashkëpunimi SHBA-Shqipëri të jetë mbi politikat e jo mbi personalitetet

Drejtori i Institutit për paqen në Universitetin Columbia, David Philips theksoi se Bashkëpunimi i SHBA-së me Shqipërinë duhet të jetë mbi politikat dhe jo mbi personalitetet.

I ftuar në emisionin “Review” në Euronews Albania, ai u tregua kritik ndaj autoriteteve amerikane duke thënë se duhet të japin llogari dhe të tregohen transparentë në lidhje me shpalljen ‘non grata’ të kreut të PD-së Sali Berisha.

“Institucionet demokratike krijojnë besueshmëri. Sistemi ynë i qeverisjes dhe i ekzekutivit duhet t’i përgjigjet parlamentit. Nëse SHBA nuk e kanë ndonjëherë përgjigjen ata ta japin me shkrim. SHBA e kanë kaluar autoritetin e tyre siç ka ndodhur në rastin e Berishës ku nuk kanë dhënë asnjë lloj justifikimi përse e dhanë këtë ‘non grata’.

Ata duhet të japin llogaridhënie. Kjo nuk është pjesë e një procesi demokratik. Jam i shqetësuar për zyrtarët e vendit tim sesa me procesin. Procesi duhet të jetë i hapur e transparentë. Bashkëpunimi i SHBA-së me Shqipërinë duhet të jetë mbi politikat dhe jo mbi personalitetet. Nëse fokusohet te politikat që rrisin përpjekjet për korrupsion dhe rrisin demokracinë, atëherë Shqipëria do të shërbehet shumë mirë”- theksoi ai.

LEXONI GJITHASHTU:

• Shpallja ‘non grata’ e Berishës, Philips: Nuk u zbatuan parimet themelore të ligjit
• Philips: Puna për luftën kundër korrupsionit në Shqipëri duhet të vazhdojë
• Philips për Yuri Kim: Është minuar procesi, Ministria e Jashtme tregoi papjekuri