Piktori abstrakt në Vlorë çel ekspozitën e 3-të me punime

Studimet e larta i mbaroi për teknologji kimike, por Roland Dano kishte pasion pikturën. Që në fëmijëri kultivoi dëshirën për të pikturuar. Në vitet 90’ lindën pikturat e tij abstrakte, ndërsa kjo është ekspozita e tij e 3-të.

“Mbaj mend vitin 90 që erdhi pak si diçka e brendshme, si një protestë ndaj diktatit, ndaj simetrisë së këtyre qyteteve tona si kazerma, erdhi në fillim pak profesionale pastaj me kohën u profesionalizua, ka qenë revoltë. Sot në evolucionin tim, një mënyrë për të kuptuar realitetin, me ngjyra edhe me më pak ngjyra, me më tepër lëvizje, pak labirint e quaj unë pikturën time, një rrugë për të dalë. Unë jetoj me këtë , nga ana financiare jo, por jetoj mirë që shprehem.”- tha Roland Dano, piktor abstrakt.

Kuratori i kësaj ekspozite, Roland Runaj tregon se autori e shkatërron figurën duke hedhur energjinë dhe emocionet e tij në telajo.

“Janë rreth 40 punime të teknikave të ndryshme dhe formate të përhapura në distanncw kohore në vite të ndryshme, rreth 10 vjet distancë kohore si punë nga puna e parë deri te puna e fundit e përgatitur për ekspozitën. Autori vjen nga një eksperiencë e dizajnit, e ka lëvruar artin e pikturës, kryesisht pikturën moderne prej shumë kohësh, pra i ka qëndruar gjithmonë besnik kësaj lëvizjeje artistike, kjo tregon dhe karakter dhe është për tu admiruar”-theksoi ai.

Dano thekson se për pikturat e tij nuk ka vendosur një çmim, pasi e ka të vështirë të ndahet prej punimeve te tij.

LEXONI GJITHASHTU: 

• Inceneratori i Elbasanit, SPAK dërgon për gjykim Lefter Kokën dhe Alqi Bllakon
• Konjufca: S’do lejojmë që Vuçiçi të komandojë në Kosovë përmes bandave kriminale
• Hyri në Shqipëri me një arsenal armësh në makinë, lihet në burg pa afat 53- vjeçari