Borrell: Plani franko-gjerman mbështetet nga të gjitha vendet e BE-së

Përfaqësuesi i Lartë i BE-së për Politikë të Jashtme dhe Siguri, Josep Borrell deklaroi se të 27 vendet anëtarë të Bashkimit Evropian, mbështesin propozimin e Francës dhe Gjermanisë për normalizimin e marrëdhënieve Kosovë-Serbi.

Deklaratën, Borrell e dha ditën e djeshme në Bruksel, në konferencën për shtyp pas takimit të ministrave të jashtëm të BE-së, shkruan Euronews Serbia.

Borrell shpreson se Beogradi dhe Prishtina do të angazhohen për de-përshkallëzimin e situatës dhe kthimin në dialog.

“Palët duhet të kthehen në dialog. Kjo është detyra që BE-ja ka marrë nga Asambleja e Përgjithshme e Kombeve të Bashkuara dhe unë si ndërmjetës. Kjo është e nevojshme për të dyja palët në rrugët evropiane. Pas incidenteve të verës dolëm me një propozim për dy liderë, e kemi përditësuar javët e fundit, pas marrëveshjes së fundit që arritëm për targat, që shpresonim të shmangnim tensionet.

Ne e kemi ofruar atë propozim dhe duhet ta paraqesim urgjentisht. Jam i lumtur që morëm mbështetjen e fortë të të gjithë ministrave për këtë nismë. Tani është një propozim i 27 vendeve të BE-së”, theksoi ai.

LEXONI GJITHASHTU

• Ana Brnabiç i kërkon ndihmë BE-së për ish-policin serb të arrestuar në Veri
• Fetahu: Strategjia e Vuçiç dhe Serbisë në Veri për të rritur peshën në negociata
• Banori i Mitrovicës së Veriut: Ka pasur përplasje mes banorëve shqiptarë dhe serbëve