OKB: Më shumë se 6 mijë civilë janë vrarë që nga lufta në Ukrainë

Organizata e Kombeve të Bashkuara thotë se të paktën 6 mijë e 755 civilë u vranë, dhe më shumë se 10 mijë e 600 të tjerë u plagosën që nga fillimi i luftës në Ukrainë.

Pushtimi rus i Ukrainës  që nisi më 24 shkurt ka hyrë në muajin e dhjetë.

Forcat ukrainase po vazhdojnë të betejën në lindje, teksa trupat ruse po sulmojnë në disa drejtime.

Shtabi i Përgjithshëm i Forcave të Armatosura i Ukrainës, tha më 13 dhjetor, se rusët vazhduan të sulmojnë në Bakmut, Avdijivka dhe Zaporizhja në Ukrainën lindore dhe qendrore, por bombarduan pa dallim, si pozicionet ushtarake, ashtu edhe vendbanimet civile.

Presidenti ukrainas, Volodymyr Zelensky, tha se granatimet e vazhdueshme të Rusisë kanë shkatërruar plotësisht qytetin e Bakhmut dhe kanë dëmtuar rëndë qytetin e Avdijivka.

Sulmet e vazhdueshme ruse ndaj infrastrukturës së Ukrainës kanë shkaktuar ndërprerje të mëdha të energjisë dhe kanë lënë pa rrymë miliona persona.

LEXONI GJITHASHTU: 

• Aksident me vdekje në aksin Elbasan-Peqin, humb jetën 73 vjeçari
• Lajçak pas takimit me Kurtin dfe Escobarin: Do të takohem me komandantin e KFOR-it
• Danimarka i jep fund kërkesës së izolimit pas testit pozitiv të koronavirusit