Thirret Ezani, Rama ndërpret fjalimin: Ta pranojmë këtë bekim, vjen për mirë

Kryeministri Edi Rama ka ndërprerë fjalimin për Teatrin e ri Kombëtar pasi po thirrej Ezani në xhaminë e Tiranës.

Në momentin që është thirrur Ezani është shprehur se duhet të pranohet ky bekim.

“Kush nuk do të donte… ta pranojmë këtë bekim tani. Në këtë rast vjen për mirë, nuk e di sa e ndihmon shfaqjen”, tha Rama.

Që prej mëngjesit të sotëm, Policia Bashkiake ka bllokuar pedonalen për shkak se sot pritet të fillojnë punimet për ndërtimin e godinës së re të Teatrit Kombëtar

Ndërkohë Aleanca për Teatrin ka zhvilluar dhe një protestë. Adriana Kalaja u shpreh për Euronews Albania se policia ka bllokuar çdo rrugë për tek sheshi i teatrit, ndërkohë paralajmëroi se protesta do të zhvillohet.

LEXONI GJITHASHTU:

• Veliaj: “Selman Stërmasi” e Pallati i Sportit “Asllan Rusi” do ndërtohen nga e para
• Afera me privatizimin e kompleksit ‘Partizani’, thirret në SPAK Isa Tare