Vaksina kundër COVID, BE marrëveshje dhe negociata me 9 kompani

Presidentja e Komisionit Evropian, Ursula von der Leyen deklaroi të premten se Bashkimi Evropian është në bisedime me shumë kompani për të siguruar vaksinën kundër COVID-19, ndërsa shprehu shqetësimin për rritjen e rasteve të infektimit në Evropë.

“Progresi me vaksinën është zgjidhja kryesore afatgjatë e krizës dhe ne po bëjmë progres. Komisioni ka mbyllur dy marrëveshje për blerjen e vaksinave dhe po negocion 5 të tjera. Gjithashtu jemi në bisedime edhe me 4 kompani. Ndaj jemi në rrugën e duhur”, deklaroi Von der Leyen.

Për të qenë i përgatitur, Komisioni ka njoftuar marrëveshjet e furnizimit me vaksinën që po përgatitet nga kompania “AstraZeneca” dhe atë nga partneriteti mes grupeve “Sanofi” dhe “GlaxoSmithKline”.

Gjithashtu, presidentja e Komisionit saktësoi se Brukseli është në bisedime me kompanitë “Moderna”, “Johnson & Johnson”, “CureVac” dhe partneritetin mes “Pfizer” dhe “BioNTech”.