Si u njoh Liri Belishova me Enver Hoxhën? Studiuesi tregon takimin e parë

Studiuesi Marcel Hila tregoi në studion e Euronews Albania takimin me Liri Belishovën, një komuniste që u arrestua nga sistemi në vitin 1960.

Belishova u arrestua nën akuzën se ishte mike e Nikita Khrushchev-it, pas prishjes së marrëdhënieve të Shqipërisë me Bashkimin Sovjetik.

Hila e përshkruan Liri Belishovën një grua gjeni, shumë inteligjente.

Madje, ai rrëfen edhe takimin e parë të Liri Belishovës me Enver Hoxhën. Kjo e fundit ishte mahnitur nga bukuria e diktatorit dhe tha se Shqipëria u deh prej tij.

“Liri Belishova kishte një karakteristikë: që të flisje një fjalë, ajo e merrte atë fjalë dhe e plotësonte me argumente. Ajo ishte gjeni. Liria më ka thënë që ne ishim të dehur, dhe sesi na zuri ajo pije dhe u demonizuam më në fund. Ajo më ka kallëzuar se si e ka parë për herë të parë Enver Hoxhën. E kam parë në vitin 1944 në Helmes, ishte kongresi i Rininsë Anti-Fashiste që po bëhej atje në Skrapar, më kishin arrestuar gjermanët. Kamber Belishova, i ati, i shkon Anton Harapit dhe i thotë: më kanë kapur vajzën 17-vjeçe dhe duan të ma vrasin ose të ma çojnë në kampe. Shkuam tek komanda dhe i tha: ju merreni me një vajzë 17-vjeçe? U lirua bashkë me Nako Spiron, që ishte i fejuari i saj. Kur shkuan të nesërmen në Helmes panë udhëheqësit e asaj kohe. Shkuam të takonin Enverin. Kur ka dalë ishte yll, me metoda xhentile më shtrëngoi atë dorën. Liri, u lirove nga burgu. Ajo pamja e tij dehu Shqipërinë”, u shpreh ai.

LEXONI GJITHASHTU:

• ‘Vëllai i mbylli derën”, studiuesi tregon historinë e klerikut që përfundoi në burg
• Votimi për Avokatin e Popullit, Berisha: I turpshëm, Rama hodhi poshtë kandidaturat
• ‘Po punojmë për fitoren’, Zelensky rikthehet në Kiev pas vizitës në Uashington