‘Alibeaj-Basha, tango politike’, Meçani: PD e ndarë, nuk ka ku shkon më keq

Gazetarja Juela Meçani ka komentuar situatën në të cilën ndodhet Partia Demokratike, para zgjedhjeve lokale të 14 majit të vitit 2023.

Në një intervistë për Euronews Albania, Meçani tha se ish-kryedemokrati, Lulzim Basha dhe Enkelejd Alibeaj janë në sintoni të plotë me njëri-tjetrin dhe po bëjnë ‘tango politike’, në lidhje me nxjerrjen e kandidatëve nga grupimi i tyre.

Sipas saj, fakti që në zgjedhje do shkohet me dy kandidatë, tregon që Partia Demokratike nuk ka ku shkon më keq.

“The që Enkelejd Alibeaj do vazhdojë të nxjerrë kandidatë. Unë do thosha Lulzim Basha do nxjerrë kandidatë, sepse gjithmonë e më shumë, ditë pas dite, një vëzhgim i hollë i një syri gazetaresk, do vinte re që gjithmonë e më po del më publikisht, Lulzim Basha.

Ai është duke bërë takime në bazë, në ato pjesë të degëve të dala nga zgjedhjet nga ajo pjesë e Partisë Demokratike. Mendoj që po. Nuk e di se sa dakord është me këtë Alibeaj, por janë në sintoni, janë duke bërë një tango politike, ndoshta edhe për të bashkuar forcat.

LEXONI GJITHASHTU

• Burimi: Alibeaj as në ëndërr se ka menduar se një ditë do të jetë në krye të PD-së
• Përplasje Bardhi-Alibeaj për Avokatin e Popullit, gazetari zbulon sherrin brenda PD
• Kreshnik Spahiu: Rama do t’i japë Berishës logon e PD në këmbim të mandatit të 4