Përplasje Bardhi-Alibeaj për Avokatin e Popullit, gazetari zbulon sherrin brenda PD

Gazetari Ardit Hoxha zbuloi përplasjen brenda grupit demokrat të drejtuar nga Enkelejd Alibeaj lidhur me emrin e kandidatit për Avokat të Popullit.

Hoxha u shpreh se në një mbledhje brenda grupi të Alibeajt ka pasur një debat të ashpër, i shoqëruar me tension mes Enkelejd Alibeajt dhe Gazment Bardhit.

Emri që mbështeste Bardhi dhe një pjesë e mirë e deputetëve të këtij grupi brenda PD për Avokat të Popullit ishte Ledio Braho, ndërsa Alibeaj dhe një grup më i vogël deputetësh mbështesnin emrin e Dorian Gjonmarkajt.

“Ka pasur shumë aludime, por ajo që mund të konfirmoj nga burime të miat është se në një mbledhje të grupit të Alibeajt ka pasur një debat të ashpër mes Bardhit dhe Aliebeaj sa i përket preferencave për emrin e Avokatit të Popullit. Grupi i Bardhit dhe një numër i madhe deputetësh mbështesnin Ledio Brahon, ndërsa Alibeaj dhe një grup i vogël mbështesnin Dorian Gjonmarkaj. Pas një debati jo të lehtë,  ka pasur momente tensioni mes Bardhit dhe Alibeajt, u tejkalua dhe u çua vetëm emri i Brahos. Kjo krisje u reflektua edhe në votimin në parlament për anëtarin e Gjykatës Kushtetuese dhe Avokatin e Popullit”, tha gazetari Hoxha.

LEXONI GJITHASHTU:

• Deputetja demokrate: Grupimi Alibeaj mban qëndrim kundër linjës së Berishës
• Salianji: PD në Korçë është e bashkuar, s’ka ndarje mes Berishës dhe Alibeajt