‘BE të ndërhyjë në Kosovë’, Berisha: Vuçiç kërkon të hapë konflikt të ri në rajon

Kryetari i Partisë Demokratike, Sali Berisha i ka bërë thirrje Aleancës së Atlantikut të Veriut dhe Bashkimit Europian të ndërhyjnë me urgjencë në veri të Kosovës pas paralajmërimit të Presidentit të Serbisë Aleksandër Vucic për rinisur sërish luftën.

Përmes një postimi në rrjetet sociale, Berisha tha se ky është një konflikt  rrezikshëm për rajonin.

“Duke shprehur mbështetjen e plotë të Partisë Demokratike për Kosovën dhe autoritetet dhe popullin e saj, dënoj me forcën më të madhe veprimet luftënxitëse të “Putinit të vogël” të Beogradit, që janë të koordinuara me “Putinin e madh” të Kremlinit, si akte që kanë për qëllim sabotimin, pa u shtruar për negociata të planit Franko – Gjerman për marrëveshjen Prishtinë-Beograd, duke hapur një konflikti të ri në rajon.

I bëj thirrje Aleancës së Atllantikut të Veriut dhe Bashkimit Europian të ndërhyjnë me urgjencë për bllokimin e skenarit të Beogradit, të mbështetur nga Rusia, të një konflikti të rrezikshëm në rajon.”, shkroi Berisha ndër të tjera në Facebook.

Ndërsa kryetari i Partisë së Lirisë, Ilir Meta e ka cilësuar një provokim të hapur përmes strukturave kriminale serbe dhe shërbim ndaj Rusisë.

LEXONI GJITHASHTU

• ‘Jemi të shqetësuar’, Xhaçka: Barrikadat në Veri u ngritën nga një grup kriminelësh
• Ish-ambasadori: Vuçiç, i ‘llastuari’ i Perëndimit dhe i ‘birësuari’ i Lindjes
• Tensione në Veri, Vuçiç: Jemi duke bërë gjithçka për të ruajtur paqen e stabilitetin