Kurti për barrikadat në Veri: Koha që i kemi dhënë KFOR-it për të vepruar po shteron

Kryeministri i Kosovës, Albin Kurti deklaroi se qeveria e tij i ka dhënë kohën e mjaftueshme KFOR-it për të hequr barrikadat në Veri, por theksoi se koha po shteron, pasi ende nuk është vepruar.

Gjatë fjalës së tij në mbledhjen e qeverisë, Kurti u shpreh se vendosja e barrikadave është një veprim i paligjshëm që nuk do të tolerohet.

“Vendosja e barrikadave në rrugë është veprim i paligjshëm, i papranueshëm dhe nuk do të tolerohet. Në përputhje me vlerësimet e sigurisë ne i kemi dhënë kohën dhe hapësirën e nevojshme KFOR-it për të vepruar, por sigurisht kjo kohë po shteron me shpejtësi.

Ne kemi bashkëpunim dhe bashkërendim me KFOR-in, prandaj edhe kjo dhe hapësira e nevojshme i është dhënë KFOR-it. Por një gjë duhet të kuptohet se nuk mund të qëndrojë edhe parimi i lëvizjes së lirë dhe barrikadat në rrugë që e pengojnë lëvizjen e lirë”, tha ai.

LEXONI GJITHASHTU

• Tensionet në Veri, Kurti: Nuk do të bisedojmë me kriminelët, do t’i arrestojmë
• Vuçeviç: Serbët në Veri s’duhet të frikësohen, jemi të gatshëm për marrëveshje
• Fatmir Mediu: Në disa raste, Rama është shprehur kundër interesave të Kosovës