Spitalet në gatishmëri, 100 ekipe të urgjencës kombëtare në sheshe 

Ndërrimin e viteve dhe në ditët e para të janarit urgjencat e spitaleve do të jenë gatishmëri. Ndërsa më sheshe do të jenë 100 ekipe të urgjencës.

Bluzat e bardha në të gjithë vendin do të jenë në gatishmëri gjatë ndërrimit të viteve dhe ditët e para të janarit.

Ministrja e shëndetësisë dhe mbrojtjes sociale, Ogerta Manastirliu zhvilloi një takim me ekipin e mjekëve dhe infermierëve në spitalin e traumës ku njoftoi se do të ketë 100 ekipe të urgjencës në terren përgjatë ditëve të festave.

“Janë marrë të gjitha masat qoftë nga spitali i traumës ku ne jemi sot, në të gjitha spitalet universitare rajonale, shërbimet e urgjencës janë të gjitha në gatishmëri të plotë. Urgjenca kombëtare do të jetë duke u angazhuar në koordinimin e plotë të të gjitha thirrjeve të emergjencave por gjithashtu edhe në sheshe ku do të ketë festë apo koncerte, në mënyrë që të kemi një menaxhim sa më të mirë të situatës,” – u shpreh Manastirliu.