Nën një shtetrrethim total, Lula betohet si presidenti i ri i Brazilit

1 Janar 2023 | 20:00

Luiz Inacio Lula da Silva është betuar si presidenti i ri i Brazilit – hera e tretë që ai mban postin më të lartë të vendit.

Politikani veteran i krahut të majtë, i njohur gjerësisht si Lula, e udhëhoqi gjithashtu Brazilin midis viteve 2003 dhe 2010. Ai mundi të triumfonte në zgjedhje duke mundur presidentin Jair Bolsonaro.

Në ceremoninë e marrjes së detyrës nga presidenti brazilian, ka pasur masa të rrepta sigurie nga frika se mbështetësit e Bolseranos mund ta prishnin atë.

Vetë Bolsonaro nuk mori pjesë në ceremoni, pasi u largua nga Brazili drejt SHBA-ve të premten.

Një numër shumë i madh i mbështetësve të Lulës u mblodhën para Kongresit të zbukuruar me ngjyrën e kuqe të Partisë së tij të Punëtorëve. Ata udhëtuan për të parë liderin e tyre duke u betuar – por edhe për të marrë pjesë në festë.

Më shumë se 60 artistë – duke përfshirë legjendën e Samba, Martinho da Vila – do të performojnë në dy skena gjigante të dekoruara me flamurin kombëtar si pjesë e një festivali muzikor të titulluar “Lulapalooza”.

“Dashuria ka fituar mbi urrejtjen,” shkruhej në një pankartë të mbajtur nga një burrë i veshur si Lula – i kompletuar në veshje me një brez presidencial.

“Brazili kishte nevojë për këtë ndryshim, këtë transformim,” tha një tjetër mbështetëse e liderit të ardhshëm të Brazilit, teksa ishte duke marrë pjesë në festimet e së dielës.

LEXONI GJITHASHTU

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026