Zjarri në fabrikën e sfungjerëve në Elbasan, policia zbulon shkakun

Policia ka zbuluar detaje të reja nga zjarri masiv që përfshiu mëngjesin e kësaj të enjteje një fabrikë sfungjerësh në qytetin e Elbasanit.

Nga informacionet paraprake dyshohet se zjarri është shkaktuar nga një defekt në sistemin elektrik të objektit në pronësi të shtetasit Florens Salibasha.

Ekipet zjarrfikëse ndodhen në vendngjarje dhe po vijojnë punën  për neutralizimin e flakëve.

“Rreth orës 10:20, në fshatin Katund i Ri, Elbasan, ka rënë zjarr në një subjekt privat (fabrikë për prodhimin e sfungjerit), në pronësi të shtetasit F. B., 53 vjeç., banues në lagjen “Dyli Haxhire”, Elbasan. Si pasojë, janë shkaktuar vetëm dëme materiale.

Paraprakisht, dyshohet se zjarri ka rënë si pasojë e një defekti në sistemin elektrik të objektit të këtij biznesi.

Shërbimet zjarrfikëse vijojnë punën për shuarjen e zjarrit.

Grupi hetimor ndodhet në vendngjarje, me qëllim zbardhjen e shkakut të rënies së zjarrit”, thuhet në njoftimin e policisë.

LEXO GJITHASTU: 

• Zjarr në fabrikën e sfungjerëve në Elbasan, shtullungat e tymit “pushtojnë” qiellin
• Arma gati për qitje| I arrestuar më herët për vrasje, në pranga 49-vjeçari