Lufta në festivalin e dritave, automjetet e shkatërruara në qendër të Helsinkit

5 Janar 2023 | 19:33

Çdo vit në Helsinki mbahet festivali i dritave. Mbi 30 instalime u ekspozuan këtë vit, por vetëm njëri tërhoqi vëmendje të veçantë.

Në qendër të kryeqytetit finlandez u vendosën mbetje automjetesh të shkatërruara nga lufta në Ukrainë.

Automjetet në fjalë u shpëtuan dhe u transportuan nga Ukraina në Finlandë nga artisti çek, Maxim Vecovsky.

“Janë katër makina. Secila ka historinë e saj dhe të pronarit të makinës. Ato janë të gjitha të ndryshme, tregojnë historinë se si automjeti ka qenë një pjesë e jetës së përditshme të pronarit dhe se si papritur është shkatërruar. Për mua këto automjete janë thjesht simbole dhe po ashtu për artistin. Ato ilustrojnë se si jeta e përditshme papritur mund të shkatërrohet”,  thotë Juha Rouhikoski, drejtor artistik i Festivalit të Dritave, Helsinki.

E quajtur “Vdekja e mundshme fizike në mendjen e dikujt që jeton”, ekspozita ka një impakt të fortë tek mendja e njerëzve që e vizitojnë.

“Për mendimin tim, kjo mund të thërrasë vetëm një emocion, trishtimin e thellë. Dhe është fantastike që një vepër që provokon të tilla mendime është sjellë në këtë festival”,  shprehet Karina Kytomma, spektatore.

Kushdo mund ta vizitojë ekspozitën pasi është falas. Festivali i Dritave në Helsinki do të vazhdojë deri më 8 janar.

 

LEXONI GJITHASHTU:

 

Home Kryefaqja
Shiko në: YouTube
Lajme të Sugjeruara

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026