Hodhi foshnjën në lumë, nëna pranon krimin. Si shfaqej gjendja e saj

Gazetari i Euronews, Teodor Gjerga, ka zbuluar detaje të reja në lidhje me ngjarjen e rëndë që ndodhi në Shkodër mbrëmjen e të premtes, ku 32-vjeçarja Oriana Gremi hodhi në lumin Kir,foshnjën e saj 10 ditëshe.

Gjerga tha se nga dëshmitë e marra pranë maternitetit në Shkodër, 32-vjeçarja nuk ka shfaqur problem të shëndetit mendor në momentin e largimit.

Ai shton se e reja e ka pranuar krimin përpara efektivëve të policisëm ku tha se e kreu aktin e rëndë, pasi nuk kishte mundësi të mbante foshnjën.

“Duhet thënë se nuk ka pasur një gjendje të rënduar psikologjike apo të disponojë një kartelë të problemeve të shëndetit mendor. Ky ka qenë komunikim që kemi pasur me spitalin rajonal të hkodrës, të cilët kanë thënë se në momentin që 32-vjeçarja ka dal nga materniteti nuk ka pasur probleme të shëndetit mendor, apo të ishte regjistruar pranë spitalit psikiatrik në spitalin rajonal të Shkodrës apo pranë qendrës ambulatore”, tha Gjerga.

LEXO GJITHASHTU:

• Dëshmia e 32-vjeçares që hodhi në lumë foshnjën e saj: Nuk e mbaja dot
• Hodhi foshnjën në lumin Kir, 32-vjeçarja e pa martuar. Zbulohet me kë jetonte
• Hodhi në lumin Kir foshnjën e saj, arrestohet 32-vjeçarja