Avokati i Paplekajt, kërkon riekspertim në vendin e ngjarjes ku u vra Pjerin Xhuvani

Është mbajtur ketë të hënë seanca gjyqësore për ngjarjen e 21 prillit të vitit 2021, ku mbeti i vrarë Pjerin Xhuvani dhe u plagosën 4 të tjerë.

Burime për Euronews Albania, bëjnë me dije se avokati i Arbër Paplekajt, Mirash Martini, ka kërkuar të thirren në gjyq dhe ekspertë që kanë kryer ekspertimin në vendin e ngjarjes. Në varësi të dëshmive që sipas tij do të japin ekspertët do të kërkohet i riekspertim i mundshëm në vendin e ngjarjes.

Ndërkohë avokatët mbrojtës të palëve kanë parashtruar pretendimet dhe kërkesat e tyre rreth provave të mbledhura nga procesi hetimor.

Pritet që Gjykata të vlerësojë pretendimet e avokatit Mirash Martini që përfaqëson në proces Arbër Paplekajn dhe kërkesat e tjera të avokatëve.

Seanca e radhës do të mbahet të mërkurën ora 11:00.

LEXONI GJITHASHTU: 

• ‘Ishin paratë e xhaxhait, i vodhën’, gazetari: Dëshmia e Alda Klosit në polici
• Blendi Klosi e konfirmon: Erion Veliaj është kandidati i PS-së për Tiranën
• ‘Jemi magnet’, Blendi Klosi i përgjigjet Ilir Metës: Ja si PS-ja e mori Agron Çelën