Salianji, tentativa për të marrë drejtimin e Grupit Parlamentar? Flet deputetja e PD

Deputetja e Partisë Demokratike, Ilda Dhori thotë se ka pasur dijeni për faktin që kolegu i saj demokrat, Ervin Salianji ka bërë tentativa për të zëvendësuar Enkelejd Alibeajn në krye të Grupit Parlamentar.

Në një intervistë për Euronews Albania, Dhori u shpreh se Grupi Parlamentar i Partisë Demokratike duhet të ristrukturohet.

“Nuk jam në grupin zyrtar të Partisë Demokratike, por kam qenë në dijeni të një tentative të tillë, për të ridimensionuar drejtimin e Grupimit Parlamentar të Partisë Demokratike. Gjërat kanë ndryshuar dhe unë mendoj që duhet të jetë një njeri më konstruktiv, më gjithëpërfshirës dhe më i mirë pranuar nga të gjithë deputetët e Partisë Demokratike.

Mendoj që do të jetë një figurë më konstruktive dhe ajo që do të miratohet, do të votohet nga shumica e deputetëve, anëtarë të Grupit Parlamentar”, theksoi ajo.

Enkelejd Alibeaj ka përjashtuar nga grupi parlamentar i PD 4 deputetë.

Në njoftimin e grupit të Enkelejd Alibeaj thuhet se deputetët Oerd Bylykbashi, Belind Këlliçi Agron Shehaj dhe Tritan Shehu nuk u distancuan nga aktet e dhunës ndaj Partisë Demokratike më 8 janar 2021.

LEXONI GJITHASHTU

• U përjashtua, Tritan Shehu sulmon Alibeajn: Je mburojë e Ramës, i blerë
• Spahiu zbulon prapaskenat: Arsyeja e vetme pse Alibeaj përjashtoi 4 deputetë
• Alibeaj përjashton nga grupi parlamentar i PD 4 deputetë