U përjashtua, Tritan Shehu sulmon Alibeajn: Je mburojë e Ramës, i blerë

Deputeti i Partisë Demokratike Tritan Shehu tha në “Now me Erla Mëhillin” se Alibeaj është mburojë e kryeministrit Rama.

Ai e cilësoi kreun e grupit parlamentar të PD-së të blerë.

“Nuk është se Alibeaj bie ndesh me interesin e PD-së, por bën veprime të tilla thjesht për t’u kthyer në një mburojë të Ramës, i nxitur nga Rama dhe pikërisht në këto momente kur skandalet flasin njëra pas tjetrës ndaj qeverisë, për të hequr vëmendjen dhe për të krijuar një tymnajë mbas të cilës të fshihet kjo qeverisje me skandalet e saj,” – u shpreh Shehu.

Enkelejd Alibeaj ka përjashtuar nga grupi parlamentar i PD 4 deputetë.

Në njoftimin e grupit të Enkelejd Alibeaj thuhet se deputetët Tritan Shehu, Oerd Bylykbashi, Belind Këlliçi dhe Agron Shehaj nuk u distancuan nga aktet e dhunës ndaj Partisë Demokratike më 8 janar 2021.

LEXONI GJITHASHTU:

• “PD në duart e ca delirantëve”, deputeti i Berishës sulmon Alibeajn
• Spahiu zbulon prapaskenat: Arsyeja e vetme pse Alibeaj përjashtoi 4 deputetë